ياحبيبي مااقدر أسلا حتـى لـو ليلـك سـلا
يارتباكـات الـدروب ويانكسـارات ابتعـادي
ياحبيبـي دام قلـبـي بالتفاصـيـل امـتـلا
كيف اتلّك من وريدي وامنـع يمـر ابفـؤادي
مـن دمـوع آخـر نوايـا فراقنـا لاوّل هـلا
تشرب اخطانا رحيل ودربنـا الظامـي ينـادي
للموانـي .. للأمانـي .. للأغانـي .. للغـلا
لانفجـارات الصبـاح ولاشتعـالات انقيـادي
للسؤال اللي طرحْـه المـوج باحضانـك ولا
نقّصه قربك جنون ولحّف ضلوعـك سهـادي
للطريق اللي تغافـل ضحكنـا واقسـم علـى
يغرق الضحك بدموع وينشطـر قبـل المعـاد
لامتى ننـزف هوانـا فـي مفـازات الخـلا ؟
لامتى نحرث بحور الحزن باوهـام الحصـاد ؟
ياحبيبي .. مـا بقالـي غيـر قلـب ٍ مثقـلا
تركض اوهامه طموح ويلتـوي دربـه عنـاد
مشعله ذكرى حبيـب وليلـه افضـول المـلا
شايل جبال الـوداع وهايـم ٍ فـي كـل وادي
في أمان الحب ياللي شـبّ دمـي واصطلـى
في هواه القلب .. وروّح واشعل بروحي رمادي
.
